قالوا البنفسج بيبهج و هو حزين
قلت البهجة دى بنت حزن سنين
قالوا إيه إللى رماك ع الفلسفة ؟!
قلت إللى شفته فى سكة العاشقين
و عجبى
الجمعة، 30 ديسمبر، 2011
الجمعة، 18 فبراير، 2011
الفضاء المشمشى 35
يوم لما قالوا ثورة قلبى إنخلع
قلت العيال دول ضاعوا وسط الجشع
طلع إن شمس الحق فوق الخيال
و فجره حر مهما الليل إندلع
و عجبى
الاثنين، 25 يناير، 2010
الفضاء المشمشى 34
دعاء جميل ع الصبح طالع
من قلب أم لرب سامع
و الإبن خارج للرزق يسعى
ده رضاها سحر و سره باتع
و عجبى
من قلب أم لرب سامع
و الإبن خارج للرزق يسعى
ده رضاها سحر و سره باتع
و عجبى
الخميس، 7 يناير، 2010
الفضاء المشمشى 33
تانى رجعت لحضن البيت
طبعا ماهو أصل أنا حنيت
صحبة و لمة و دعوة جميلة
قمت نسيت أوجاعى و جيت
و عجبى
الأحد، 27 ديسمبر، 2009
الفضاء المشمشى 32
على كدة كل الناس مبسوطة
عايشة بتاكل فول بالقوطة
تسأل هو الفقر سعادة ؟!
يقولك نعمة و مش ملتوتة
و عجبى
الخميس، 24 ديسمبر، 2009
الفضاء المشمشى 30
تاهت منى كلمة حب
جوة الدفا و فى حضن القلب
قلت أقطفها بسرعة برق
و أنشرها من شرق لغرب
و عجبى
الاشتراك في:
الرسائل (Atom)